Unang Moli

Sajalah urang rumah tuk... ngesa', jaraj ji urang ponti tih. Dah tau laki ah pengunyat sejati, eh malah moli unang di pasar... alerrrrrr aeeee....

Semari cereta ah pulang dari kantor langsong ke pasar tongah moli batu kael, rencana ah nak nak ngunyat agik. Datang ke rumah bini mintak antar ke pasar sore sepiak SD anakkuh, moli ikan ji ah. Auk antar am tih. Pas ngeronong unang marak-marak inuk tangan, eh lalu di boli ah pulak roga sepuluh ribu, apai mada ah, ngeleng ke lain uju.

Kalau ngeronong baka unang nang di jual urang nyak, mungkin dah beberopae ari dah umur ah, maksud kula, dah lamak di taroh dalam es batu, soal ah dah ada kulik ah nang agak merak warna ah, ajom segar upa dirik baru bulih ngunyat. Tapi gosak miker anak kula nang bungsu nyak anal makan unang, cocat gak upa ah beliau moli ah. Dah... nunak jak am.. ujong-ujong ah, melosu turun ngunyat bahari ah. Santak bekutik tungak dengan anak jak am.

Pas malam ah, aku keluar moli pempers kae nang bungsu ah. Mumpong ari gik mabuk, nguncus ke Dermaga KPLP antong biasa kula ngunyat, ketomu dengan bala pengunyat nang semua ah besungunt mamput kosak unang nang majuh umpan ah alus-alus am. Pikerkuh, masih kasa kitak, tau nyelopat ngunyat, aku tuk an, merajuk dari bahari tih gosak mada ngelabuh kael...

Ronongkuh, aik upa peluru ah pelaju ah ke ilik, inang-inang gala mada sompat nak mongkak gosak sibuk bepugut bepaut ke gela tiang steigher, mada sompat tangan ah ngerayau umpan cacing di mata unyat... jarak gak bala jeloma.

Dudok setogal lah aku, ngampor kilik kulu. Nang matut asa ah di ampor, auk tamah kik bumu ah. pokok ah usah nyokang pangan jak lah. Nang matut upa di kayoh, auk kayoh... rami mantau langak' lubak idong ah, mambuk lubang burik ah jarak ji inak, penyiar radio aries marik tih....

Mada terasa, amper pokol 9 malam. kolak merungut sentua di rumah nunm piyak gak. Aku nguncus pulang samel menghayal, bila kirak ah ngael di situk bulih barang 5 kilo, mada banyak....